28. LEFT 2

ICE

Nagising ako dahil sa tunog mula sa phone ko. Babangon sana ako pero nakita ko si Mayumi na masarap ang tulog. Napangiti ako nang mapunta ang tingin ko sa braso niyang nakayakap sa dibdib ko.

Binalewala ko na ang planong pagbangon at dahil huminto na rin ang tunog mula sa phone ay pipikit na sana ako ulit. Mas gusto kong namnamin ang mga yakap ni Mayumi kaysa ang alamin kung sino ang umiistorbo sa akin sa mga oras na ito. Ni hindi ko na inabala pang i-check kahit ang oras man lang. Kapag nakita kong paliwanag na ay saka ako aalis.

Malapit na akong makatulog ulit nang muling tumunog ang phone ko. At dahil naistorbo na rin lang ang diwa ko ay bumangon na lang ako para tingnan kung sino ang caller. Kung galing ba kay papa o kay Trace, o baka naman kay Kyle at baka may natuklasan na naman siya…

Kinuha ko ang phone na nakapatong sa chest drawer. Trace.

I breathed heavily. Kapag si Trace kasi ang caller ay siguradong kukulitin lang ako tungkol kay Chloe. Kadalasan ang ending ng us