Chapter 62

NAGPALINGA-LINGA ang tingin ni Cataleya sa paligid. Mula sa labas ng comfort room ay may hinahanap siya na gumawa ng kaluskos. Naging alerto ang lahat ng nerve niya sa katawan. Nag-aalala siya sa na baka may nakarinig sa sinabi niya sa harap ng salamin.

Lumakad na siya hanggang sa makarating sa magandang sala ng bahay ni Lukas. Niyakap siya ng nakakabinging katahimikan, patunay na walang ibang taong naroroon.

Inisip na lang niya nab aka si Manang Goreng lang iyon. Baka napadaan lang ito kanina. Bumuntong-hininga siya saka lumabas na muli ng kabahayan.

Pagdating niya sa labas ay napansin niya na nabago na ang set-up. Wala na ang dining table at napalitan iyon iyon ng dalawang sand chair. Sa pagitan ng dalawang upuan ay naroon ang isang square na lamesa. May mga nakasapaw doon na mga snack at drink. Nanatiling naroon pa rin ang makeshift stage pero wala na ang babaeng violinist. Ang tunog ng banayad na pag-alon ng dagat ang nagsilbing musika ng paligid.

“Wow mukhang may part two pa yata