Chapter 63

“MAY sinasabi ka ba Lukas?” tanong niya sa binate na pinakatitigan pa ang mukha nito. Naghihintay siya ng kumpirmasyon mula dito at umaasam siya na hindi siya na namamali nang narinig. Kulang na lang ay sapuin ang sariling dibdib dahil sa pagkabog n’on. Sana nga ay tama ang mga katagang binigkas ng lalaki na lihim na itinatangin ng puso niya.

Umiling ito na parang nabuhusan ng malamig na tubing ang ulo. “W-wala, I mean, kilala mo ako Cataleya. Hindi ako nagbibigay ng pipitsuging regalo sa isang tao. Kaya nga dito nagpunta.”

Tila mahinang pader na gumuho ang lahat ng inaasam niya. Nawalan siya ng gana sa sandaling iyon. Pilit niyang itinago ang nadaramang pagkadismaya. Pilit pa rin niyang pinasigla ang expression ng mukha niya. “Ah okay, pero sabi ko naman sa’yo, hindi mo ako kailangang bigyan ng mamahaling regalo.”

“You’re stubborn Cat.” Pinisil na naman nito ang dulo ng baba niya. Bigla siya nitong nilagpasan. “P’wes ako na lang ang pipili ng gift ko para sa’yo.”

Napasunod na lang an