Chapter Nineteen

Sa pagtutukan ng armas nina Isadora at Aryana ay eksakto ring dumating ang mga police na tinawagan ng mga trabahador ng Espina Company. Kahit mga manggagawa lamang sila ay hindi naman kanais-nais na basta na lamang nila pabayaan ang kaguluhan.

"Ibaba n'yo ang inyong mga baril at sumuko kayo ng maayos," ani ng hepe.

"Huwag kang makialam dito, hepe. Dahil wala ka naman talagang pakialam kahit pa magpatayan kami! Pinatay nila ang asawa ko kaya't papatayin ko rin sila!" malakas na sagot ni Aryana.

"Asawa? Hanep ka rin, Aryana. Hanggang sa kamatayan ay ang hayop na iyan pa rin ang iniisip mo! Hindi ka ba nakukunsensiya sa pag-aabanduna sa mga anak mo? Imbes na sila ang isipin mo pero ano ang ginagawa mo? Siya pa rin ang ipinaglalaban mo! Patay na ang kasing-hayop mong kampon ni satanas na iyan!" May tama man pero nagawa pa ring makipagsagutan ni Isadora sa kapatid na wala na yatang ibang iniisip kundi ang lalaking wala ng ginawa kundi ang saktan siya.

"Oo! Dahil siya ang buhay ko! Pinatay