Chapter Sixty Nine

"Nasaan ako?" Ang unang nanulas sa labi ni Isadora nang iminulat ang mga mata.

Kaso wala siyang nakuhang sagot. Kaya't iginala niya ang paningin. Saka pa lamang niya napagtantong nasa pribadong silid siya sa isang pagamutan. Base na rin sa tatak ng life saving machine na nakakonekta sa kaniya.

"Paano ako nakarating dito sa pagamutan?" muli niyang bulong.

Ngunit dahil abala siya sa pagmamasid ay hindi na niya napansin ang pagbukas ng pintuan. Nagulat pa siya nang nagwika ang unipormadong nurse.

"Hi, Ma'am. Gising ka na pala. Saglit lang po at e-check ko ang vitals signs mo," anito saka lumapit sa kaniya at sinimulan ang checking.

Kaso bago pa ito matapos ay may isang matikas na lalaki ang lumapit sa kanila. Sa hitsura pa lamang nito ay isa itong kagalang-galang na tao. Ngunit sa mundong ginagalawan ay mahirap na rin ang magtiwala base sa panlabas na kaanyuan.

"Kumusta na ang pakiramdam mo, Ma'am?" tanong nito.

Kaso hindi siya agad nakasagot dahil kinikilala niya ito. Kaya't marahil ay