Chapter 46

Pakiramdam ko ay muling naulit ang sinaryong ito. Nakatayo ako sa labas ng pinto ng mansion nila Justine. Katabi ko siya, magkahawak kami ng kamay at hinihintay ang pag bukas ng pinto.

Gaya rin ng inaasahan ko, si Nay Meling ang nag bukas ng pinto, tulad ng kung paano niya rin iyon binuksan dati. Nakangiti at masaya niya kaming pinapasok. Bumuntong hininga naman ako at wala sa loob na humigpit ang pagkakahawak ko sa kamay ni Justine.

"Its okay love, I'm here... Don't worry," halos pabulong niyang sabi sa akin. Hinalikan niya rin ang noo ko, bago muli kaming nag patuloy papasok.

Pakiramdam ko'y nanlalamig ang palad ko, at halos manginig ang tuhod ko. Ganitong ganito ang pakiramdam ko noon. Noong ipinakilala niya ako bilang girlfriend niya, na hinadlangan naman ng Mama niya.

"Justine," halos pabulong kong tawag sa kaniya. Lumingon naman