Chapter 33

Alessia's POV

RAMDAM ko ang init mula sa siga. Nakasiksik ako ngayon sa isang sulok habang si Sushi naman ay wala pa rin malay. Nakakaramdam na ako ng pagkabahala dahil sa hindi pa rin siya nagigising hanggang sa ngayon. Humihinga naman si Sushi, at wala naman akong makitang ibang senyales na mas lalong makakapagpabahala sa akin. Ang alam ko lang ngayon ay kailangan ko siyang protektahan.

Siguro ay lilipas din ito at magiging maayos din ang lahat. Magigising din si Sushi na tila walang nangyari. Umaasa ako na pagkagising ko bukas ay maayos na siya.

Naalala ko naman ang nangyari kanina mula ng makabalik ako galing sa lungga ng Cerberus.

"Ito lang ang nakuha ko." Pilit kong huwag mautal habang kaharap si Erigor na maraming dalang kahoy na higit pa na mas marami kaysa buong nakuha ko bago pa ako inatake ng Slither.

"Kaunti lang ba ang kahoy doon?" Nagtatakang tanong niya sa akin. Nilapag naman niya sa sahig ang mga nakuha niya.

"Oo, ito lang talaga ang nakuha ko." Sagot ko sa kanya.

Napa