Alessia's POV"YOUR highness." Bati ko kay Natalia at yumukod ako.Hindi maalis ang pangamba ko dahil sa kanyang ekspresyon. Pakiramdam ko ay may masamang balita siyang hatid. Ngunit sana ay nagkakamali lang ang nararamdaman ko."Natanggap ko na ang balita sa paglalakbay ng Hari patungo sa Scylla." Usal ni Natalia at pareho kami ni Stefano na nanahimik at naghintay sa kasunod niyang sasabihin. Bumuntong hininga si Natalia bago niya dinugtungan ang kanyang sasabihin. "Hindi na ako magpapaligoy ligoy pa. Alam ko na ilang araw na tayong walang balita tungkol sa hari. Pero dumating ang balita ngayon lang. Nawawala ang hari at mga kasamahan niya."Ang balitang kanyang inihatid ay tila isang kidlat na tumama sa katawan ko. Tila namanhid ang buo kong katawan at hindi ako makagalaw. Pakiramdam ko ay nabibingi lang ako at nagkamali ako ng dinig."Y-your highness, p-pardon?" Hindi ko mapigilan itanong iyon dahil baka nagkakamali lang ako. Pati si Stefano ay hindi din magawang magsalita at lumar
Alessia's POVHATI ang buong nararamdaman ko sa ngayon. Nalaman ko na ako pala ang totoong nakatakda kay Elijah. Ang pangit na nakaraan namin na wala naman akong ala-ala. Ang pagkawala nila sa Venossa at ang nararamdaman ko sa kanya.Hindi ko magawang ilabas ang saloobin ko kahit kanino. Kung sasabihin ko kay Stefano, hindi ko alam kung malilinawan ba ako sa mga magiging sagot niya. Kahit hindi ko tanungin, alam ko na may alam si Stefano. Hindi ko naman magawang magalit sa kanila kahit gustohin ko man. Their lies did not hurt me that much.Napabuntong hininga na lamang ako. Apat na araw na lang ay magpapasko na. Hindi pa rin sila nakakabalik. Hindi ko lubos maisip na ganito ako ka kalmado sa lahat ng mga nalaman ko. I'm supposed to be angry and hate him like a normal damsel in distress princess after knowing that they were lied and killed by the person they love. Ngunit kakatwang hindi ko maramdaman ang tuluyang magalit. Oo, meron namuo ngunit nawala naman kaagad iyon dahil inintindi
Third Person's POVILANG araw na rin si Elijah sa loob ng dimensyon na iyon at wala pa rin siyang mahanap na palatandaan kung nasaan ang relikya. Kakatwang may mga hayop doon kagaya ng mga ibon, unggoy at mga baboy ramo. Hindi alam ni Elijah kung totoo ang mga iyon o ilusyon lang.Mga normal din doon ang mga prutas na kinakain din ni Elijah dahil kailangan niya ito para magpatuloy sa paghahanap ng relikya. Ngunit hindi naman nababalewala ang paghahanap ni Elijah dahil may nakikita siyang mga bakas ng naninirahan sa lugar.Hindi pa lang nagkakataon na nakasalubong ito o nakita sa isang lugar. Masyadong malawak ang lugar para makita kaagad ito ni Elijah. Iba din ang prayoridad niya sa pagpunta dito at iyon ay ang relikya.Hindi na rin alam ni Elijah kung ilang araw na ang lumipas, kung pareho din ba ang oras nito sa labas. Kung tama ang hinala ni Elijah, ay walong araw na siyang nasa loob ng Charybdis at wala pa rin siyang nahahanap.Patuloy sa paglalakad si Elijah. Ang mga hayop sa lug
Third Person's POVNARATING nila Elijah ang lugar na tinutukoy ni Erenea. Isa itong kubo na gawa sa mga tuyong mga sanga at dahon. Hindi maisip ni Elijah kung paano ito binuo ni Erenea ngunit hindi na niya iyon pinag-aksayahan ng panahon para isipin.Papadilim na rin ang paligid at hindi na mainam para maglibot si Elijah para hanapin ang relikya. "H-hindi n-naman m-marami ang mga g-gamit na dadalhin k-ko." Turan ni Erenea. Hindi nagbigay tugon si Elijah dahil inasahan na niya na wala itong mahalahang gamit dito..Inilibot lang ni Elijah ang kanyang tingin sa paligid. Wala siyang maramdaman na panganib. Masyadong payapa ang lugar, hindi kagaya sa labas."Bukas na tayo aalis. Papagabi na at kailangan mo ng pahinga." Turan naman ni Elijah pagkatapos suriin ang kapapaligiran."S-sabay na t-tayong m-magpahinga." Usal naman nito. Ang mga mata ni Erenea na tila nangungusap habang nakatingin ito kay Elijah.Walang reaksyon si Elijah. Alam niya sa sarili niya na may atraksyon siyang nararamda
Third Person's POVNARATING nila Elijah ang Venossa at kagaya ng sinabi niya ay lumapag sila doon para makapaglinis ng katawan. Medyo nagkagulo ang mga taga Venossa dahil sa biglaang pagdating ng mga sentinels at ng hari. Kadalasan sa panahon ngayon ay walang naglalakbay dahil panahon na ng pagbibigay pasalamat, ngunit nandito sila ngayon.Pumasok si Elijah sa isang hostel kung saan ay pwede siyang maligo at magpahinga. Hindi pa rin nagigising si Erenea kaya inihabilin niya ito sa mga tagapagsilbe. Hindi naman magkandaugaga ang mga tagapagsilbe sa hostel lalo na at nakilala nila si Elijah. Halos halikan ng mga ito ang nilalakaran ng hari sa pagpupugay.Naging malamig naman ang ekspresyon ni Elijah, hindi na iyon kagulat-gulat pa. Pumasok si Elijah sa isang kwarto na hindi kalakihan ngunit sapat na iyon para makaligo at makapagpahinga siya sandali.Agad naman na naligo si Elijah at medyo nagtagal siya sa loob dahil ilang araw din siyang hindi naligo. Siniguro niya na malinis na malini
Alessia's POVNAPUNO ng tawanan ang hapag lalo na at nandoon ang mga builders. Maraming pagkain na nakahanda. Sandali lamang na sumali si Natalia para lamang sa pormal na pagselebra ngunit umalis din ito pagkatapos dahil marami pa daw itong gagawin.Ginusto ko naman iyon na umalis siya dahil mababawasan ang tensyon na nararamdaman ko tuwing nasa iisang silid kaming dalawa ni Natalia."Lady Alessia, maraming salamat sa napakagandang plano at ideya mo." Tuwang saad sa akin ng isang builder na hindi ko kilala.Napangiti naman ako sa kanya. "Walang ano man." Tugon ko sa kanya at tsaka uminom ako ng inumin doon. Masasabi ko na alak iyon, ngunit lasang beer lang naman. Hindi mataas ang alcohol content kaya alam ko na hindi ako malalasing sa inumin na ito."Alistair, wag mong solohin si Lady Alessia at nais ko din siyang makausap." Dumating naman si Favian na tuwang tuwa at may bitbit din itong inumin. Iba ang kulay ng kanyang inumin at naaamoy ko din ito. Sa amoy na pinaghalong ubas at alco
Alessia's POVNAGISING na lang ako dahil sa sigawan na nagaganap sa aking paligid. Masakit ang aking ulo at ramdam ko pa rin ang panghihina ng aking katawan. "Elijah, please stop!" Saad ng isang boses na kilala ko.Napakunot noo ako at hirap akong bumangon. Hindi ko agad maaninag ang paligid dahil hindi pa iyon malinaw. Matindi ang pagod na nararamdaman ko kaya napakusot ako sa aking mga mata at nagtataka ako sa mga nangyayari.Ilang sandali pa ay luminaw na ang paningin ko. Nakita ko si Elijah, nakatayo at may hawak hawak itong isang lalaki na tila papatayin nito. Napatingin ako sa lalaking hawak niya at agad kong nakilala ito. Si Favian iyon, na hindi ko na mailarawan ang mukha dahil sa mga pasa nito.Ngunit naibalik ko ang tingin ko kay Elijah. Hindi ako makapaniwala na nakabalik na siya. Tila nilukob ng tuwa ang aking puso, ngunit nagtataka ako kung ano ang nangyayari.Binitawan ni Elijah si Favian at sumalampak ito sa sahig. Dahan dahan na dumapo ang tingin sa akin ni Elijah. Sa
Alessia's POVLUMABAS ako ng kwarto at wala doon si Stefano. Naisip ko na baka kasama na ito ni Elijah. Nanlalamig ang kamay ko na tinalunton ang daan patungo sa kwarto na tinutuluyan ni Elijah.Hindi ko mapigilan na isipin ang babaeng kayakap ni Elijah. Kahit malaki ang kasalanan ko ay hindi ko mapigilan na sumama ang loob. Ngunit ayokong magalit dahil wala akong karapatan sa bagay na iyon. Gustohin ko man ngunit mas prayoridad ko ngayon na maging malinaw ang lahat. Pagkatapos nito, kung ano man ang magiging sagot ni Elijah, doon na ako gagawa ng desisyon.Narating ko ang kwarto ni Elijah at nasa harap ako ng pintuan. May nakabantay doon na sentinel. Nakita naman nila ako kaya agad silang yumukod sa akin."Nandiyan ba si Elijah?" Mahinahong tanong ko sa kanila. Ngunit bago pa man sila nakasagot ay bumukas ang pintuan at iniluwa doon ang babaeng kasama niya. Pakiramdam ko ay kinapusan ako ng hangin nang nakita ko ito ng malapitan. Masyado itong maganda.Biglang hinalukay ng samu't-sar