Chapter 22

CELINE

Wala akong nagawa kundi ang maiwan sa mansion dahil ayaw naman akong ipasama ni David kung saan man sila pupunta dala ang katawan ng asawa ko. Naghihina ako sa totoo lang, hindi ko alam ang gagawin ko. Sinisisi na naman ako ni David sa nangyaring 'yon sa daddy niya. Wala naman akong ginawang masama sa daddy niya.

Nilapitan ako ng dalawang kasambahay habang nagpupunas ako ng aking mga luha. Kasalukuyan akong nakaupo sa couch na nasa sala. Nalulungkot ang dalawang kasambahay na lumapit sa akin.

"Ano po ba ang nangyari kanina, Ma'am Celine?" tanong ng bata pang kasambahay na hindi lang nalalayo ang edad sa akin.

Umangat muna ako ng tingin sa kanilang dalawa bago nagsalita. Kasama niya 'yung isang kasambahay na palagi niyang kasama na may edad na sa kanya.

Nagpakawala ako nang malalim na buntong-hininga at dahan-dahan na ibinuka ang aking mga labi para magsalita.

"Hindi ko alam kung ano ang nangyari sa asawa. Maaayos pa lang naman kami kagabi, eh. Sabay pa nga kaming natulog. Pagk