Chapter 60

CELINE

"Mahal mo pa ba hanggang ngayon si David? May nararamdaman ka pa rin ba sa kanya, Celine?" mahinang tanong ni Tita Flora sa akin habang nasa loob siya ng kuwarto ko isang hapon.

Hindi na ako nagtataka pa kung bakit tinatanong niya ako tungkol sa nararamdaman ko para kay David dahil alam niya 'yon. Sinabi ko 'yon sa kanya na may nararamdaman ako sa kanya. Makalipas ang tatlong taon ay hindi na ako nagsabi sa kanya na mahal ko pa rin talaga hanggang ngayon si David. Hindi ko naman kailangan na sabihin pa 'yon sa kanya, eh. It's not necessary to tell that, right?

Wala muna akong sagot sa kanya matapos niyang itanong 'yon sa akin. Lumunok muna ako nang sunod-sunod ng aking laway at humugot nang malalim na buntong-hininga bago sumagot sa kanya. Seryosong tinititigan ko siya sa kanyang mga mata.

"Tita Flora, hindi naman po nawala ang pagmamahal ko para sa kanya kahit tatlong taon na ang nakalipas. Hanggang ngayon po ay mahal ko pa rin siya at hindi nagbago ang nararamdaman ko sa ka