Chapter 67

DAVID

Wala akong naisagot sa sinabi ni Diana na tutulungan niya ako kaya kailangan ko nang umalis dito sa probinsiya kung saan ako ngayon. Well, may punto naman siya sa sinabing 'yon niya sa akin na hindi naman ako yayaman sa pagiging driver. Willing siyang tulungan ako.

"Pag-isipan mo ang sinabi ko sa 'yo, David. 'Pag nakapagdesisyon ka na bumalik dito sa Maynila ay tawagan mo lang ako, okay? I'll help you to have what you had before. Ibabalik natin ang kung anong nararapat sa 'yo. Naiintindihan mo ba ako sa sinasabi ko sa 'yo, huh? Hindi mo deserve na maging driver lang. You deserve to be rich again," sabi pa niya sa akin at nagpakawala muna ako nang malalim na buntong-hininga bago sumagot sa kanya.

"Oo. 'Wag kang mag-alala, Diana. Pag-iisipan ko ang sinabi mong 'yon sa akin," sabi ko sa kanya. Iyon ang puwedeng sabihin ko sa kanya at wala nang iba pa.

"Very good. Maghihintay ako sa 'yong desisyon, David. Tutulungan talaga kita para maging mayaman ka muli. Gagawin ko ang lahat para