Family Dinner

KANINA pa akong nakapangalumbaba habang nakaupo sa couch dito sa sala. Hanggang ngayon kasi ay hirap pa rin akong i-proseso sa utak ko ang mga sinabi kahapon ni Mr. President.

"Hoy, linggo ngayon Samantha! Hindi biyernes santo!" sita saakin ni Nicole matapos nitong umupo sa tabi ko.

"Alam ko." Walang buhay na sagot ko.

"Ano, malungkot kapag weekends kasi wala si Daddy Iñigo?"

"Tumigil ka nga! Grabe ka sa'kin huh!" naiinis na singhal ko dito.

"Sus, aminin mo man sa'kin o hindi, alam kong si Iñigo naman talaga ang nasa isip mo ngayon."

"Oo na! Tama ka, si Iñigo nga!" napipilitang pag-amin ko sa kanya.

"Hmm...bakit, nag-away na naman kayo?"

"Hindi. Kinausap kasi ako kahapon ni Mr President. Katulad mo ay iginigiit rin niyang may gusto sa'kin si Iñigo."

"Tsk...see? Kahit 'yong ama niya ay nakakahalata na rin. Ikaw na lang 'yong hindi!" Pinagdiinan pa talaga nito ang huli niyang sinabi.

"Nicz, naguguluhan na 'ko!"

"Gaga, 'wag kang maguluhan. Go on with the flow na lang. Bakit, napo-fall ka