Kabanata 15

HINDI MAKAPAGFOCUS si Tadeo sa pagtatanim ng mga palay, panakanaka siyang tumitingin sa daanan ng mga tao sa gilid ng sakahan. Tulad niya, nagtatanim din ang mga kasamahan. Lahat ay abala sa kanya kanyang gawain. Tirik na tirik ang araw, tagaktak ang kanyang pawis suot ang kanyang karaniwang kasuotan na kamisa at itim na pangbaba na tinupi hanggang tuhod, suot niya rin ang sombrerong buli panangga sa napakainit na araw.

Nang maubos ang hawak na pananim tuwid siyang tumayo, basang basa ang kanyang likod. Pinunas niya sa kanyang mukha ang malinis na parte ng medyo putikan niyang good morning towel na nakasabit sa kanyang leeg.

Muli siyang tumingin sa daan. Napailing nang hindi pa rin makita ang pakay.

"Ganitong oras dumadaan ang kabayo niya araw araw," aniya sa sarili. Bumalik siya sa pagtatanim.

Ilang minuto ang lumipas nang makarinig siya ng yabag ng kabayo. Napangiti siya nang matanaw si Pulahan, agad siyang humarap sa kapwa magsasaka na nasa