Chapter 17.1

Verania's Point of View

Matapos nga na makipaghiwalay si Ares kay Clara agad din na naisipan niyang magyaya pauwi. Dahil nga wala siyang maipaliwanag sa akin naiwan akong may nararamdamang pagka-inis sa kanya. Bumiyahe kaming tahimik. He tried to talk to me pero binibigyan ko lamang siya ng mga tipid na sagot. Hanggang sa makauwi kami ay seryosong mukha lamang ang ibinabalandra ko sa harapan niya na hindi tulad ng dati na kadalasan ay aasarin ko muna siya bago siya mahiwalay ng panandalian sa akin.

Kinabukasan ng araw na iyon, gaya ng plano pina-check-up ko na siya sa ospital kung saan nagta-trabaho sina Alder at Clara. Hindi ko nakita si Alder doon dahil check-up lang talaga ang sadya namin, tsaka isa pa baka busy si Alder sa trabaho niya. Nito ko lang din nalaman na ang ospital na iyon ay pagmamay-ari ng pamilya nina Clara. Hindi ko rin nakita si Clara sa loob ng ospital isa pa hindi ko rin naman siya hina