Ika pitumpung kabanata

“I want to clarify everything, Zac, alang-alang sa mga anak ko ay pakiki-samahan pa rin kita na parang walang nagbago. Pero huwag mo akong pakikialaman sa mga plano ko sa buhay at ganun din ako sayo, hindi kita itatali sa relasyong ito kaya ibinibigay ko ang kalayaan mo, because I’m not a selfish person. At sana ay maging klaro sayo ang lahat.” Labis akong naguguluhan sa mga pinagsasabi ng aking asawa. Sa tono ng pananalita nito ay parang akala mo ay tinatapos na niya ang ugnayan namín bilang mag-asawa.

Ilang araw ng malamig ang pakikitungo niya sa akin na para bang estranghero ako sa paningin nito. Hindi ko na alam kung ano ang gagawin ko kaya binalewala ko na lang ang malamig na pakikitungo niya sa akin. Ngunit ng marinig ko ang mga salitang ito ay labis akong naalarma at hindi ko na ito pwedeng balewalain dahil ramdam ko na seryoso siya sa kanyang mga sinasabi.

Hindi ko alam kung ano ang tumatakbo sa utak ni Vernice at labis akong nababahala na baka tuluyan siyang mawala sa akin