chapter 14

Nang masiguro na nilang maayos na ang lahat ng dadalhin nila papunta sa bukid ay pumasok na sila sa sasakyan. Akala ni Belyn na unang pumasok ang kanyang asawa ngunit ganoon na lamang ang gulat niya nang may humawak sa kanyang braso upang makasakay siya sa loob ng sasakyan. Napatingin siya kung sino. Walang iba kundi ang kanyang asawa.

Saglit siyang natigilan at napatitig sa mukha ng kanyang asawa habang inaayos nito ang paglalagay ng seatbelt sa kanyang katawan. Kaya amoy na amoy niya ang panglalaki nitong pabango.

"Ayan, ayos na!" masayang wika nito nang mailagay na ang seatbelt at sabay angat ng tingin. Huling huli nito na nakatitig siya. Kaya agad siyang napaiwas ng tingin at sa ibang direksyon ito ibinaling.

Tumaas lamang ang sulok ng labi ni William sabay sabi ng, "Sobra ba akong gwapo, Chocolate, kung kaya natulala ka na?" natatawang sabi pa nito sa kanya.

"A-ano?" mariing tanong niya at napatingin muli sa lalaki. "Sinong may sabi sa'yong gwapo ka?"

"Ikaw. 'Yon ang nakikita ko s