80. Annulment Paper

[Kiara]

Nakangiting nilibot niya ng tingin ang kwarto nila ni Grant. Matagal-tagal na rin mula ng huli siyang natulog dito.

Hinaplos niya ang ibabaw ng kama. Pumikit siya at inalala ang huling beses na magkatabi sila ni Grant rito ng magkasama.

Nakaramdam siya ng pagkasabik. Maisip palang niya na magkikita sila ni Grant ay sobrang saya niya.

Narito na siya sa mansion ng Saavedra ngayon. Kanina lang siya dumating dala ang iilan sa mga gamit niya. Matapos i-ayos ang mga dalang gamit ay bumaba na siya para tumulong sa pagluluto. Naabutan niya na naroon na sina Consing, Mercy, Joy at Lylia. Katulad ng dati ay abala ang mga ito sa pag uusap.

"Alam niyo naaawa ako kay Senyorita. Palagi nalang natin siyang nakikita sa labas ng mansion. Sigurado ako na inaabangan niya si Senyorito." Sabi ni Joy.

Napatigil siya sa paghakbang. Dahil nakatakikod ang mga ito sa pinto ay hindi siya nakita ng mga ito. Kung gano'n ay nakikita pala siya ng mga ito sa tuwing sumisilip siya mula sa labas ng gate.

"Hi