Chapter 53

Nagising akong hinahalukay ang sikmura kaya naman kaagad akong tumakbo papasok sa banyo. Dahil sa sobrang pagod kahapon sa paglilinis ay maaga akong natulog. Iniwan ko na rin si Laura na may kausap na ilang risedente rito na inupahan namin para tulungan kaming maglinis.

At dahil din sa sobrang pagod, dito na ako natulog sa kubo-kubo na moderno naman at kumpleto sa kagamitan. Kaya nga lang ngayon ay heto... parang gusto ko ng isuka pati ang bituka ko.

"Fuck! Hindi naman ako uminom ng alak para magkaroon ng hangover ah!" asik ko sa aking sarili bago mulang dumukwang sa inodoro upang sumuka.

Nang sa tingin ko ay wala na akong maisusuka pa, lambot na lambot akong tumayo at muling humiga sa kama. Bahagya ko ring hinilot ang sintido ko ng maramdaman ko ang pagkahilo.

"Mukhang magkakasakit pa yata ako," muli kong bulong at mariing pumikit.

"Laira?" I open my eyes as I heard Laura's voice, but I remain on the bed. "Are you there? Are you awake? Ngayon ang schedule mo para sa pagpapa-renovate