Chapter 49

“Besh, sigurado ka ba talagang papasok ka sa trabaho? Eh magpahinga ka na lang kaya muna. Hindi ka nakatulog buong magdamag. Masama ‘yan sa kalusugan mo lalo pa at buntis ka.” Nag-aalalang wika pa ni Marie habang nasa hapag kami at nag-aalmusal.

Buong magdamag ay ‘di ako nakatulog. Sa tuwing nakakaidlip naman ako ay nagigising din ako sa bangungot. Mugto pa ang mga mata ko sa kakaiyak. Kahit nga ang pagkain ngayon ay hirap kong malunok. Wala akong gana ngunit napilit pa ako ng kaibigan ko na kumain.

“Ayos lang ako. ‘Di mo na kailangang mag-alala.” Tipid na sagot ko pa sa kanya.

“Sasamahan nalang kita. Wala naman akong photoshoot ngayon.” Aniya na ikinailing ko.

“’Di na kailangan. Ayos lang talaga ako.” Wika ko pa at umaasang makombinsi ito.

“Sigurado ka ba talagang ready kanang makaharap ang asawa mo?” Muling tanong nito na ikinatahimik ko. “See? ‘Di mo kakayaning makita na naman siya na kasama ang bruha.” Aniya.

“Stop calling her that. We used to be friends.” Kontra ko naman sa sinab