Chapter 46

Nang makabalik kami sa loob ay lahat ng mata nakatingin sa amin pareho ni Hiro. Nagtataka rin si Luca kung bakit magkasama kami ni Hiro sa labas pero pinagsawalang bahala ko nalang ito at agad na tumingin kay Shia na nakasimangot habang bitbit ang dalawang bag. Nakasunod sa kaniya si Agui na nakasimagot din.

“Tayo na Andrea.” Sabi ni Shia at agad akong hinigit papalabas ng bahay ni Luca. Lumingon muna ako sandali kay Hiro bago kami nakalabas ng bahay.

“Naiinis talaga ako sa hambog na iyon.” Naiinis na turan ng kaibigan ko habang nakatingin sa ‘kin pabalik sa malaking bahay ni Luca. Kumunot ang noo ko sa kaniya.

“Bakit ka naman maiinis?”

“Naiinis ako sa mukha niya!”

“Are you pregnant?”

“What?!” gulat na gulat na tanong niya. Baka kasi naglilihi siya kaya siya naiinis sa mukha ni Agui. Ang gwapo nga ni Agui e.

“Well-“

“Stop it Andrea! You’re talking nonsense.” Natawa ako sa sinabi niya. Nakita ko pa kung paano siya umirap.

“Ikaw! Sige ka, iisipin ko na talaga na may gusto ka kay