Chapter 117: He Visited Simon Yun

THE following day, Harold arrived at Brielle’s home at 9 am. Nasa dining room pa si Brielle at kumakain kaya’t hinintay niyang matapos ito. 

Hindi siya mapakali sa upuan lalo na’t may bago na naman itong problema. Ilang saglit lang dinalhan siya ni Yaya Santina ng maiinom sa living room. 

“Harold, ito lang maihanda ko, orange juice at cookies. Hindi na ako gaanong nakakapagluto dahil medyo malabo na rin mga mata ko,” hinging paumanhin nito. 

Sunud-sunod na iling ang ginawa, “Naku, nag-abala pa ho kayo. Kumain na ho ako ng breakfast bago umalis sa condo ko. Marami pong salamat sa binigay po ninyo,” 

“O siya, maiwan na kita dito at marami pa akong gagawin sa kusina,”