Chapter 132: I Don’t Need Anybody’s Help

BIGLANG nagbago ang ugali nito matapos magising. Naging mainitin din ang ulo at ilang beses na nitong pinipilit na makausap silang dalawa ni Catherine. 

Buhat ng nagkamalay na ito, umiiwas muna sina Catherine at Samantha sa kanya dahil kapwa sila nag-aalangan na sabihin dito ang kasinungalingang pinag-usapan na nilang isasalaysay sa kanya. 

Hindi pinansin ni Samantha ang inasal niya sa halip tinulungan pa rin siya nitong makaupo ng maayos sa ibabaw ng kama niya. Madilim ang anyo ni Reymond at bigla niyang tinabig si Samantha matapos niyang makaupo sa kama. 

Naging mabilis naman ang galaw ni Samantha at nakabawi siya agad bago pa siya tuluyang bumagsak sa sahig. Kitang-kita nina Elton at Catherine ang ginawa ni Reymond, na nakatayo mula sa di kalayuan ng kama niya.