LAB— 45

Tumaas ang kabilang sulok ng labi ni Precious. Bagamat naguguluhan si Jacob, dahil kilala ni Cora si Diamond. At ibang pangalan ang tawag nito sa babae, naging alerto siya nang tangkain itong sampalin ni Cora. Niyakap niya ito habang pinipigilan si Cora na makalapit at makapanakit.

"Akala ko kaibigan kita! Isa kang ahas!" Kita na ang ugat sa leeg at sentido ni Cora sa lakas ng kaniyang sigaw. Galit na galit ito. Hindi niya matanggap ang kaniyang natuklasan. At mas lalo pa siyang nanggalaiti dahil pinoprotektahan ito ni Jacob.

"Alam mong fiance ko siya, pero pinatulan mo! Isa kang baboy! Hayop ka! Traydor ka, Jade!"

Napasigaw pa itong lalo nang makita niya na tila walang pakialam si Jade. Nagawa pa siya nitong ngitian na para bang nang-aasar.

"Cora, tama na! Umalis ka na!" saway naman ni Jacob sa kaniya.

"Ano'ng tama na?! Ano'ng aalis?! Hindi ako aalis hangga't hindi ko napapatay ang babae mo!"

Gustong-gustong sabunutan ni Precious ang babae, pero inaalala niya na buntis nga pal