Kabanata 26: Sa Parke na Kasama Ka

Maagang tinapos ni Leslie ang kanyang trabaho upang makauwi agad sa kanyang pamamahay dahil sa sobrang kasabikan na muling makasama at masolo ang binata.

Halos kalahating oras lang ang ginugol ni Leslie sa pagbiyahe para marating ang sariling bahay mula sa kanyang pinapasukan.

“Erik, may dala pala akong makakain natin para hindi na tayo lumabas ng ba---” naputol ang pagsasalita ni Leslie nang mapansin niyang wala si Erik sa sala. Agad na pinuntahan ng dalaga ang kuwartong tinutulugan ng binata at nang walang makita ay huling pinuntahan nito ay ang kusina. Nang bigo pa rin na mahanap ang makisig na binata ay mabilis na sumakay sa kanyang kotse at agad niya itong pinaandar nang mabilis.

“Tinakasan na naman ako Erik, sigurado akong pumunta na naman iyon sa bahay ni Gwen,” bulong na wika ni Leslie sa sarili.

Mabilis na nakarating si Leslie sa bahay ni Gwen.

Papasok na sana si Leslie sa loob ng bahay nang mapansin nitong hindi masyadong nakasara ang pinto kaya sa hindi inaasan ay narinig