Kabanata 19

( Amina's POV )

Mula sa mahimbing na pagkakatulog ay nagising ako sa isang maaliwalas na kwarto. Malaki ito, elegante at magara. Kaya naman napaawang ang aking bibig dahil sa pagtataka.

Napahawak ako sa aking sintido at marahang bumangon habang inilibot ang aking mga mata sa kabuuan nito. Hanep! Mukhang kwarto ng isang five star hotel gaya ng napapanood ko sa telebisyon.

At base sa mga nakikita, alam kong hindi ito ang kwarto ng resthouse.

"Nasaan ako!?" Naguguluhang tanong ko sa sarili.

Ang huling naaalala ko ay ang ginawang paglapastangan ng walang pusong lalaking iyon sa katawan ko. Matapos nun, mas lumala lang yun sakit at pagkakalagnat ko tapos hindi na maliwanag sa akin ang mga sumunod na pangyayari.

Akala ko nga katapusan ko na dahil lubhang masakit ang ulo at katawan ko nung mga panahong iyon.

Sa kalaliman ng aking pag-iisip ay nahagip bigla ng aking mata ang swerong nakakabit sa aking kaliwang kamay. Mas lalo lang akong nagtaka lalo pa't alam kong hindi rin ito kwarto ng is