Kabanata 25

Manipulate.

Nagising ako na masakit ang ulo ko. Kumunot pa ang noo ko nang makitang nasa loob na ako ng kwarto ko. Paano akong nakapasok dito? Binalingan ko ang orasan sa cellphone ko at nakitang mag-aalas tres na ng madaling araw.

Mabilis akong tumakbo papasok ng bathroom nang bumaliktad ang sikmura ko. Diretso na rin tuloy akong naligo at nag-ayos. Saan naman kaya natulog si Kylo?

Kumuha ako ng simpleng puting long sleeves dress sa cabinet ko paglabas ko ng banyo. Hinihilot ko ang sentido ko nang lumabas ako ng kwarto. Madilim na sa mahabang pasilyo pero nakita ko ang dim light sa sala kaya roon ako nagtungo.

Naabutan kong nakasandal sa sofa si Kylo at mukhang gano'n siya natulog buong oras. Bakit hindi siya tumabi sa akin?

Bobo ka ba, Chime? Alam mo namang hindi ugali ni Kylo na tumabi sa'yo hangga't hindi mo sinasabi tapos ngayon na wala na kayo, saka ka pa nagtatanong ng ganiyan?

Napailing ako sa pagtatalo namin ng isip ko. Marahan akong lumapit sa kaniya. Pinagmasdan ko muna an