23

"HOY, naguguluhan ako. Ipaliwanag mo nga sa akin Cielo Alegre kung bakit biglaan naman ata itong pagpapakasal nyo. Gulong-gulo na ako." Reklamo ni Heart Leigh kay Cielo. Napabuntong-hininga naman si Cielo habang nakatingin sa kaibigan. 

"Ano ba ang gusto mong malaman?" Tanong nya rito. 

"Ano ang gusto kong malaman? Lahat. Naguguluhan ako. Ikaw na rin ang nagsabi, wala ka'ng pag-asa sa lalaking 'yon at hanggang tanaw ka lang sa kanya. Eh, paano nangyaring magpapakasal na kayo?" Kunot-noong tanong nito habang hawak-hawak ang sintido, gulong-gulo na. 

"Gusto ng lolo nya na ipakasal kami." Humugot sya ng malalim na buntong-hininga. 

"Ano? Mas lalo mo lang pinagulo. So, sa madaling sabi, arrange marriage lang kayo?" Mas lalong lumalim ang pagkakakunot ng noo nito. Napailing-iling naman sya. Miski sya ay hindi alam kung ano nga ba talaga ang estado nila. Ayaw man nyang isipin, pero mas