Chapter 32

Nagsalin ng alak si Seb sa baso at binigyan si Dion, na agad rin ininom ang alak. Nakikita ni Seb kung gaano talaga nabigla si Dion dahil nandito si Allyana. Kahit naman siya ay nagulat nang makita ito.

"Grabe, sa lahat ng dalampasigan na maaari niyang mapuntahan ay talagang dito pa sa isla mo? Pakiramdam ko tuloy eh gumagawa ng dahilan ang tadhana upang magkalapit kayong dalawa eh," mayamaya ay sabi ni Dion na may halong pang aasar.

"Tsss, hindi ka pa rin tapos sa pang aasar mo sa akin? Alam mong may asawa ng tao si Yanna," tanging sabi lang ni Seb dito.

Natawa naman si Dion sa kanyang sinabi at hindi kontinto sa narinig.

"May asawa nga siya, pero sinasaktan naman siya. Kaya mo bang makitang nasasaktan siya?"

Naging seryoso naman ang tingin ni Seb at umiwas kay Dion. Alam niya sa sariling nag aalala siya kay Allyana. Ngunit, sino nga ba siya para pakialaman ang personal na buhay nito at isa pa may asawa na ito.

"Hindi, pero sino ba ako para mangialam? Naaawa ako sa kanya, lalo na a