Chapter 45

Nasapo ni Chelsea ang kanyang noo, matapos siyang matauhan. Hindi pa rin siya makapaniwala sa kanyang mga narinig kay Allyana. Natutuwa siya sa mga sinabi nito, subalit, masyadong maaga para sa kanya ang biglaang pagbabago ng aura nito.

"I'm speechless," tanging sabi niya.

"Me too," sang ayon naman ni Dion.

Habang si Seb ay napatingin sa itaas. Hindi niya alam kung susundan niya ba si Allyana o hindi. Nasisiguro niyang nagalit ito sa kanya, dahil hindi niya sinabi ang lahat dito.

"Sasabihin mo ba sa kanya, kung sino nga ba si Keane?" narinig niyang tanong ni Dion.

Napatingin rin Chelsea kay Seb at bahagyang nagtataka. Maging siya ay nais malaman kung sino nga ba si Keane. Naiintriga siya sa pagkatao ng babaeng iyon at nasisiguro niyang malalim na dahilan kung bakit seryoso ang dalawa, lalo na tungkol sa babae.

Napatingin naman si Seb kay Chelsea, saka muling bumaling kay Dion.

"Alam na ba niya ang tungkol kay Keane?" tanong niya kay Dion at tumingin muli kay Chelsea.

Napatingin naman