Chapter 20

          Nagising ako bandang 5:30 ng umaga. Dali-dali akong nagbangon para kunin si Harlie sa kabilang kwarto. Madalas kasi itinatabi siya ni Carter sa pagtulog. Lokong-loko sa anak niya.            Sabagay, miske nga rin ako aliw na aliw kay Harlie, eh. Para bang kahit buong araw ko ng kasama ang batang iyon, hindi ako naiinip o nagsasawa man lang. Mahal na mahal ko na si Baby Harlie.

            Well, so far, so good, mahigit isang linggo na ako sa poder ni Carter at masasabi kong mabuting tao naman siya. Responsible father din. Saka hindi naman siya mahirap pakisamahan. Pasable ng bayaw ‘to.

"Ay, puke!" naisigaw ko dahil natalisod pa ako kung kailan malapit na ako sa pintuan ng kwarto ni Carter.

"Asan?" tanong ni Carter na nakalabas na pala pintuan ng silid nito habang karga si Harlie na kakawag-kawag. Narinig ako ng loko.<