takas

Baon pa ni Angelica ang matamis niyang ngiti galing sa tatlong araw na kasama niya si Yvann. Wala siyang balak na sabihin sa kaniyang mga magulang ang tungkol sa pagbabalikan nila ni Yvann na naganap. Pinasya niyang sarilinin muna ang masayang pangyayari sa kaniyang buhay dahil sa napakaraming dahilan. Una, hindi okay si Yvaan at Justine bilang umamin si Yvann sa kaniyang tunay na pagkatao. Na siya si Evanz na batang inampon nila 31 years ago. Pangalawa, hindi mabuti ang kalagayan ni Hailey. Buhat kasi nang mamatay si Lucy Pearl ay tila nawalan ito ng gana sa lahat. Hindi na ito kumakain sa oras at palaging umiiyak.

Bagamat nagkaayos na sila ng asawang si Justine ay hindi pa rin maka-move on si Hailey sa maagang pagkamatay ng bunsong anak.

Pagsilip ni Angelica sa kwarto ng mga magulang ay hindi niya inaasahan na ganitong eksena ang aabutan.

"Hailey, tama na. Alam kong masakit ang pagkawala ng anak natin pero wala na tayong magagawa. Nasaktan din ako kagaya mo pero mas nasasaktan ak