Chapter 22

Anika's POV

WALANG tigil na binugbog ni Daryl ang lalaking hardinero kahit nagmamakaawa na ito sa kaniya at umuubo ng dugo. Naging bingi siya sa mga pakiusap nito, at kahit nang mawalan na ito ng malay ay hindi pa rin siya tumigil.

Sa isang sulok, nakatayo ako, nanonood sa brutal na eksena. Sa aking paningin, tila naging halimaw na si Daryl. Naglalagablab ang mga mata nito sa galit,

May isang bahagi ng utak ko ang gusto siyang hayaan dahil sa galit ko sa hardinero, pero nang maisip na baka mapatay niya ito at makulong siya dahil doon, mabilis ko siyang nilapitan at niyakap mula sa likuran.

"Tama na! Please, tama na!" ang sabi ko habang umiiyak at nakayakap sa kaniya.

Mukhang nahimasmasan si Daryl dahil tumigil siya sa ginagawa. Umiyak ako nang humiyak habang nakayakap sa kaniya. He's breathing heavily, tila pagod na pagod ito.

Nang maalimpungatan ang lalaki, muling bumagsik si Daryl. Kumawala siya sa yakap ko at mahigpit na hinawakan ang hardinero sa likod ng damit nito.

"Daryl! Saan