Chapter 27

Anika's POV

NATULALA na lang ako habang sinusundan ng tingin si Mama hanggang sa makatalon ito sa tubig. Dinaig pa niya ang dalaga sa ganda ng katawan niya kaya naman, maraming lalaki sa paligid ang napatitig dito. Kabilang na si Daryl.

Ilang minuto rin siyang lumangoy sa ilalim ng tubig bago muling umahon. Sa edad na tatlumpu't pito, nagawang panatilihin ni Mama ang maganda niyang mukha at maalindog na katawan. Kaya nga maraming nagkakandarapa sa kaniya.

Nang muli kong tingnan si Daryl ay nakasunod pa rin ang mga mata niya kay mama. Napalunok ako. Aaminin ko, nakaramdam ako ng pagseselos. Hindi ko kasi matukoy kung anong emosyon ang nakikita ko sa mga mata niyang iyon, pero nang sandaling lapitan ni Mama si Don Enrico, nag-aapoy sa galit ang mga mata ni Daryl.

I turned towards my mother and her new husband and saw them laughing while whispering to each other. Akala mo'y mga teenager kung kumilos at maglampungan.

Naiinis na nag-iwas ako ng paningin. Nilapitan ko si Daryl at naupo sa t