Chapter 32

Anika's POV

NAGSISIMULA pa lang sa pagtugtog ang bandang inimbitahan ng event planner para tumugtog ng musika, nasa labas na si Don Enrico at nakikipag-usap sa ilang guests.

Nakaupo ako sa isang table na ako lang mag-isa. Sa gilid ng mga mata ko, nakikita ko si Daryl sa mesa nila. Alam kong nakatuon ang paningin niya sa akin mula pa kanina.

Iniiwasan kong magtagpo ang mga mata namin, pero sa tuwing nagsasalubong ang aming paningin, iniirapan ko siya. Katulad ngayon, sumisimsim siya ng alak habang tutok na tutok ang mga mata niya sa gawi ko. Katakot-takot na irap ang ibinigay ko sa kaniya bago inubos ang alak sa baso ko.

I need to drink this alcohol. Need ko ng pampalakas ng loob dahil baka umatras ako sa plano ko kapag nilamon ako ng kaba.

Huminga ako nang malalim at sinuyod ng tingin ang paligid, wala si Mama. Nang muli kong balingan si Daryl, binabasa na nito ang papel na iniwan ko sa table nila. Maya-maya pa, pasimple na rin itong tumayo at pumasok sa mansion.

Ngumiti ako. Naghinta