Chapter 33

Anika's POV

NAKASANDAL ako sa malalaking pinto ng living room at tahimik na nakikinig sa nangyayari sa loob. Matapos ng nangyari kanina, nawalan na ng malay si Daryl. Pero pagbalik na pagbalik ng malay nito, dinala agad siya ng mga tauhan ni Don Enrico sa living room, kasama si Mama, family attorney nila at si Darius, ang nakatatandang kapatid ni Daryl.

Huminga ako nang malalim. Bawat salita at pagmumurang lumalabas sa bibig ni Don Enrico ay nagbibigay ng kakaibang kilabot sa akin. Hindi ko inaasahan na ganito siya magalit.

"This bastard is fucking with my woman! How could you do this, Daryl! Paano mo nagawa sa akin ito?! Ikaw pa! Ikaw pa na anak ko ang sasaksak sa akin sa likod!"

"H-hon, Darling, huminahon ka—"

"Huwag kang sumabat!"

Kamuntikan na akong mapaigtad nang muling magtaas ng boses si Don Enrico.

"Please, Enrico, tama na," pagmamakaawa ni Mama. Base sa boses niya, alam kong umiiyak siya.

"Hayop ka talaga!"

Napapikit ako nang makarinig na naman ng gulo mula sa loob. Mukhang s