Chapter 41

Anika's POV

MARAHAN na ginulo ni Daryl ang buhok ko habang banayad na nakangiti. Ang init na ng mukha ko kanina, pero ngayong nakatingin ako kay Daryl, parang mas lalong nag-init ang mga pisngi ko.

Tumayo siya at lumapit sa built-in cabinet. Nagtataka kong sinundan ng tingin si Daryl, may hinahanap siya sa loob at hindi ko alam kung ano.

"Anong ginagawa mo?"

Hindi siya sumagot kaya nanatili akong nakatingin sa kaniya. Pagbalik niya, may dala na siyang mga damit

"Ano iyan?"

"Damit. Hindi ba halata?"

Sinamaan ko siya ng tingin. "Alam kong damit iyan, pero para saan? B-bakit kinuha mo ang damit ko?"

"You need to change. Basang-basa na ng pawis ang damit mo."

Sandaling nanlaki ang mga mata ko bago nagsalubong ang mga kilay ko. "Kaya ka nandito para diyan, ano? May sakit na nga ako, bastos ka pa rin!"

He looked at me with astonishment in his eyes. "Really, Anika? May sakit ka na't lahat, nagagawa mo pa rin akong pag-isipan nang ganyan?"

Natatawa siyang lumapit sa akin.

Sunod-sunod akong u