Chapter 27: Ayden

ATHENA'S POV

"ANAK, bilisan mo at male-late na tayo!"

"Malapit na po ako, Mama!" Sa narinig ay pumasok ako sa silid naming dalawa.

Ang buong akala ko tapos na siyang mag-ayos. Nakita ko nang nakaupo si Ayden sa upuan kanina at nakabihis.

"Ano pa ba ang ginagawa-" Natigilan ako nang makita ang ayos ng anak.

Nasapo ko ang ulo ko nang makalimutang pagupitan ang anak. Medyo humaba na pala ang buhok niya kaya sa taas ay tinalian niya nang pa-pusod ang style para siguro hindi matakpan ang mata niya.

"Daan kaya tayo sa barbershop, anak?" ani ko, at parang nag-iisip pa ako.

"Sa susunod na lang po, Mama. Bagay naman po, e." Inayos pa niya ang itim na leather jacket niya na niregalo ng Tita Chona niya. Pinaternuhan ko iyon ng white T-shirt na may desinyong Superman at maong na pantalon. Ang guwapo-guwapo niya suot na iyon.

Tumingin ako sa buhok niya kapagkuwan at pinasadahan ulit siya. Bagay nga. Napangiti na lang ako. Pero kahit na ano ang suot naman ni Ayden ay ang cute at ang guwa