Chapter 41: Lunch Date

ATHENA’S POV

“HEY, hinahanap ka na ni Ayden.” Biglang lumabas si Kim sa pintuan.

“H-huh? S-sige.” Bahagya akong ngumiti sa kanya. Tumingin ako kay Prince at ngumiti. Pero nang tumingin ako kay Chamae ay nakasimangot siya kaya hindi ko na tinanggal ang ngiti.

Hindi siguro akalain ni Chamae na magkakilala kami ni Prince. Pero nang maalala ang tanong sa sarili kung sino nga ba ang ina ni Prince ay natigilan ako. Si Chamae nga ba?

Dinama ko ang dibdib ko sa isiping iyon. So… talagang may nangyari sa kanila noon? Nagsinungaling talaga sa akin si Graeson nang tanungin ko. Hindi pala talaga siya mapagkakatiwalaan.

Nawala sa isipan ko si Graeson dahil sa children’s party. Nalibang ako sa mga palaro at ibang trip ng mga clown. Kahit sa mga kwento rin ni Kim na nasa tabi ko. Pero nang lumabas kami sa restaurant na iyon, napatingin ako sa restaurant na pinasukan kanina ni Graeson. Obvious na kasama niya si Chamae at Prince.

“Mama, ang saya-saya ko po!” untag sa akin ni Ayden sabay hawak s