193.

Magaan ang dibdib ni Charlotte habang pinapanood ang kapwa alagad ng batas na dinadampot sina Vin at Claudine kasama sina Mr. Capil kasama ang iba pang kasabwat nito. Mabuti at nakumbinse niya si Johnson na huwag patayin ang mga ito.

Tuwang-tuwa na yumakap si Ivy sa dalaga. “Charlotte, nagawa mo, sabi ko na nga ba at magagawa mo!” mangiyak-ngiyak ito maging si Fredo.

May lungkot na tinanaw ni Charlotte si Johnson. Ginawa niya ang parte niya, tumulong siya na mailigtas ang binata. Doon palang ay masaya na siya… pero hindi niya maiwasan ang makadama ng lungkot dahil pagkatapos nito ay tuluyan na silang magkakalayong dalawa.

“Masaya akong ligtas kayong dalawa, Ivy, Fredo. A-akala ko din hindi ko magagawa pero nagbunga ang araw-araw na pag eensayo ko at pagharap sa takot ko.” ang takot niya na hindi mailigtas si Johnson ang isa sa mga dahilan, iyon ang totoo. “Salamat sa inyo, ha. Dahil rin sa tulong niyo kaya nagkaron ako ng lakas ng loob na gawin ang lahat ng plano ko… s-salamat