217.

“Hi, Axel, good morning!” Ngiting bungad ni Serena kay Axel ng bumaba ito. “Ahm, I cooked breakfast for us, baka pwede mong tikman. Niluto ko talaga ‘yon para sayo bilang pasasalamat sa pagpapatuloy sa akin dito. Kahit man lang sana dito ay makabawi ako. Please, sabayan mo na ako!” Pangungulit ng dalaga.

Napasintido si Axel. Nangialam ang babaeng ito sa kusina? Tiningnan niya si Serena at pinakatitigan. Kung titingnan ay mukhang mayaman ito at walang alam. Marunong pala ito magluto. “I’m busy, may urgent meeting ako ngayon.”

“Sige na, Axel!” Hinila ni Serena ang kamay ni Axel, pero dahil mabigat ang binata at matangkad ay hindi ito nadala. “Nabanggit ni Mrs. Helger na paborito mo ang kalderetang baka, kaya ayun ang niluto ko. Saka ka na tumanggi kapag natikman mo ang luto ko!”

Natitigilan si Axel sa kilos ni Serena. Mukhang napakasaya nito ngayong araw. Kahapon lang ay pinagalitan niya ito pero kung umasta ito ngayon ay parang walang nangyari.

Napatingin naman si Serena sa mal