222.

“K-kung ganun bakit niya ako pinagpalit agad?! Hindi niya ako hinanap, hindi niya naisip na baka buhay pa ako! Hindi niya ako hinintay nagpakasal pa siya sa iba! At bakit kay Stacey pa?!” Labas niya ng hinanakit.

“A-alam mo ba kung gaano kasakit makita siya na masaya sa iba? P-para akong mamamatay sa sakit, Axel… sobrang sakit!”

Damn! Ilang beses napamura ang binata ng madama ang nanginginig na katawan ni Serena. Nang titigan niya ang mukha nito ay saka lamang niya napansin ang sobrang pamumutla ng labi nito. Mukhang kanina pa ito basa sa ulan.

Binitiwan niya ang payong. Binuhat niya si Serena. Sumenyas siya na buksan na ang gate. Wala nang maririnig kundi pag iyak ni Serena. Para itong bata na walang tigil sa paghagulgol sa sakit.

“Ma’am Serena!” Bulalas ni Rosan ng makitang buhat ng amo ang dalaga. “Diyos ko, ano ang nangyari!” Agad na naisip nito na pinaiyak ng binata ang dalaga.

‘Isusumbong ko siya kay Mrs. Helger!’ Isip-isip ng babae na naiiyak pa.

“S-sir, saan mo da