Kabanata 26

"Talaga? Naglaba ka?" Hindi makapaniwalang tanong ko.

"Oo nga. Isinabay ko ng maglaba habang nagluluto kanina. Sa sobrang sarap nga ng tulog mo, baka pwede ko pang labhan ang mga damit ng kapit bahay," pang-aasar niya.

"Sana ginising mo ako kaagad? Ang dami pa naman ng labahan natin." Nakapalumbaba ako sa harap niya. Hindi ko na tuloy magawang kumain ulit.

Nakakaguilty naman. Dapat ako ang gumagawa no'n eh.

"Sus! It's fine. I love to serve you. Isa pa, ginamit ko naman 'yong pinabili ko kahapon na washing machine." Ngumisi ito ng malawak at ipinagpatuloy na ang pagkain.

Napairap na lang tuloy ako sa kaniya kahit hindi siya nakatingin. Akala ko naman napagod siya ng husto dahil tradisyunal na paglalaba ang ginawa. Nakalimutan kong may binili pala itong machine nang nasabi ko sa kaniya noong isang araw na maglalaba ako ngayong Sabado.

Ang washing machine na ito ay hindi katulad noong unang panahon. Ito kasi ay ilalagay mo lang ang mga damit sa