Chapter 12

Tuluyan ng gumaling ang sugat sa kaniyang balikat at natuloy din ang pagpunta nila sa Tagaytay. Ayaw sana niyang sumama, pero pinilit siya ni Denisse at ng cute na batang si Hillary.

Hindi nila kasama si Zach na nagtungo roon. Nasa kampo ito. Pero nagsabi itong susunod kapag natapos ang mga inaasikaso roon. Halos tatlong araw rin itong hindi nagpakita sa kaniya. At ramdam niyang hinahanap-hanap niya ang presensya ng lalaki.

Nauna na sa kanila ang mga magulang ni Zach. Kasabay naman nilang bumyahe si Ziggy.

Habang daan ay nakamasid lamang siya sa labas ng bintana. Mas pinili ni Hillary na maupo sa kandungan niya. Si Denisse naman ay sa unahan, katabi ang nagmamanehong asawa.

“Are you okay, Katie?” tanong ni Ziggy sa kaniya.

Nilingon niya ito. “Oo naman, Sir. May kasama kasi akong cute na baby girl,” sagot niyang nakangiti.

Napailing si Ziggy. “Just call me Kuya Ziggy. Hindi mo naman ako superior. We’re friends. Isa pa, wala ka sa kampo. Dapat kapag nasa labas ka, treat yourself a