CHAPTER 52

Sinikap ni Inigo na maging pormal sa harapan ng mga magulang ni Nadja. Masabi man ni Inigo ang lahat ng tungkol sa kanya maliban sa kanyang tunay na pangalan ay balewala rin. Sayang ang pagkakataon. Gustuhin man niyang magpakatotoo ay hindi rin posible dahil sa isang hindi maiiwasan sitwasyon.

Noon lang siya nakaramdam ng matinding kaba sa harapan ng magulang ng babae. Hindi niya kayang maipagyabang ang kanyang yaman at mataas na pinag-aralan. Hindi niya maipagyayabang na mayroon siyang mga negosyo. Ni hindi siya makakabili ng magagandang regalo para sa mag-asawa at maging kay Nadja at sa mga anak nito upang magpa-impress.

Kung papayagan lang siya ni Nadja na ilantad ang sarili sa harapan niya mismo, bakit hindi? Hindi siya mangingiming ibigay ang lahat ng mga pangangailangan ni Nadja at ng mga anak nito. Hindi sila titira sa lugar na iyon at sisikapin niyang maproteksyunan sila kahit kanino.

Hindi nakatakas sa mapanuring mga mata nina Bob at Sophia ang bawat kilos ni Inigo. Hindi n