Chapter 59

"Bakit biglang sumagi sa isip mo si Eunice? At nagawa mo 'yang itanong?" Kunot noong usisa ni Chestine sa asawa.

Napayuko lang si Johan sabay sunud-sunod na napatikhim at pilit niyang iwinawaksi sa isip niya ang naging eksena kanina.

"Wala naman love, naisip ko lang itanong," sagot ni Johan ngunit hindi kumbinsido si Chestine pero imbis na usisain niya pa kung bakit ay hinila niya na lang ang kamay nito.

"Uwi na nga tayo, baka tuluyan lang akong mainis sa 'yo dahil sa pag-banggit mo sa babaeng 'yon," yakag ni Chestine habang hila-hila niya ang kamay ng asawa.

Pinagbuksan siya ni Johan ng pinto ng sasakyan sa front seat nang tuluyan na silang makarating sa parking lot at ito na rin ang nagsuot ng seatbelt niya. Pagkasara niya ay siya naman ang umikot para sumakay sa driver's seat.

Binuhay niya na ang makina at agad na pinasibat ang sasakyan. Naging tahimik sa una ang kanilang biyahe pauwi nang biglang may maisipang sabihin si Chestine.

"About Eunice, hindi ko pinagsisihan ang ginawa ko