Chapter 63

Alpha Magnus Pov

Nasa veranda ako at tahimik na umiinom ng alak habang tinatanaw ang tubig sa swimming pool. Malalim ang laman ng aking isip. Iniisip ko ang babaeng ina ng batang pinagkamalan ako bilang kanyang ama. Hindi ko maintindihan ngunit magmula nang makita ko sila ay hindi ko sila magawang iwaglit sa aking isipan. Para bang may nagbubulong sa akin na isipin ko sila. At mas lalong hindi sila mawala sa aking isip nang makita ko ulit ang babaeng iyon nang araw ng engagement party namin ni Sonia.

Pakiramdam ko ay may kaugnayan sila sa akin. Sila kahit anong isipin ko ay wala akong maalala na nakilala ko ang sila.

"Mavi," mahinang sambit ko sa pangalan ng babae. Naglalaro sa loob ng aking isip ang maganda niyang mukha. Ang mga mata niyang nakitaan ko ng pagkabigla at pag-aalala nang makita niya ako. "Ano ba ang kauganyan ninyo sa akin? O may kaugnayan ba ako sa inyo? Pero bakit hindi ko kayo maalala?"

Nagtanong ako sa mga maid sa bahay kung kilala ba nila si Mavi, ang kasama ng ba