Chapter 62

Mavi Pov

Galing ako sa school dahil hinatid ko si Moses sa pinapasukan niyang school. Minsan kasi naglalambing sa akin si Moses at gusto niyang samahan ko siya papunta sa school ngunit hindi ko na pagbibigyan ang paglalambing niya dahil may pasok ako sa trabaho. Pero ngayon ay day off ko kaya may time ako na ihatid siya sa school niya.

Pagkagaling ko sa school ay tumawid ako sa kalsada at naglakad naman papuntang palengke. Walking distance lang mula sa school hanggang palengke kaya hindi na ako sumakay. Sayang lamang ang pamasahe at saka exercise ko na rin ang paglalakad.

Magluluto ako ng paborito g ulam ni Moses. Matagal na siyang hindi nakakakain ng paborito niyang ulam kaya tiyak na matutuwa siya kapag nakita niyang ang nakahain sa mesa.

Habang naglalakad ako sa kalsada ay napansin ko ang isang itim na van na sumusunod sa akin. Actually, paglabas ko ng school ay naka-park na sa tapat ng school ang van na ito at nang maglakad ako ay saka naman ito umandar. Akala ko ay nagkataon lam