Chapter Thirty Two

AGAD na naglakad si Rudny palabas ng elevator. Napahawak siya sa gilid upang mabalanse niya ang tindig.

Nagtinginan naman si Sigmund at Luther, nagtataka ang dalawa. Dahil sa nagbilin ang boss nilang si Rudny na hindi makakapunta sa condominium ngayon.

"K-kumusta, si Beatrice nasa loob na ba?" tanong ni Rudny matapos na makalapit sa dalawang lalaking bantay sa harap ng pinto.

"Yes boss, kanina pa po," tugon naman ni Sigmund.

Napatango-tango naman si Rudny, nag-a-alangan siyang itanong sa mga ito iyon. Ngunit hindi rin naman siya nakapagpigil.

"Ahmmm! m-may kasama ba sa loob si Beatrice?"

"Wala boss," tugon ni Luther.

"Hindi siya hinatid niyong lalaking ka-date niya sa casino?" tanong niya.

"H-hindi naman boss, ang totoo nauna pang umalis sa casino si sir Amoroso," sagot ni Sigmund. Parehas na pamilyar ang dalawa kay Seth dahil sa parati itong isinasama sa mga gatherings ng ama nitong si Duke Amoroso na siyang bestfriend ng Dad niya. Lalo na at parehas ng sumakabilang buhay din ang kan