CHAPTER 17: LEARNIN CHESS

SOPHIE’S POV

“Sab.”

Tumingin siya sa akin habang ang bibig niya ay puno pa ng sandwich na kinakain niya kanina. “Huh?”

“Alam mo ba kung paano maglaro ng chess?”

“Chess?”

“Oo.”

Uminom na muna siya ng juice bago muling nagsalita. “Sophie, ni hindi nga ako interesadong mag-aral, maglaro pa kaya ng chess?”

Bumuntonghininga na lamang ako.

“Bakit? Anong mayroon sa chess na nagpapa-stress sa ’yo?”

“Vincent.”

“Nakikipaglaro ka ng chess sa mafia boss na ’yon?”

“Oo.”

Malakas na halakhak ang pinakawalan niya. “Oh my God, Sophie! Seryoso ka? Alam niya kung paano maglaro ng chess?”

“Gold medalist siya simula noong second grade.”

“Ano? So magaling nga siya roon?!”

Tumango naman ako. “Parati niya nga akong natatalo. Ni hindi ko magawang manalo laban sa kanya.”

“E, bakit mo naman gustong manalo sa kanya?”

“Dahil ang sabi niya tutuparin niya ano man ang hilingin ko kapag natalo ko siya.”

“Talaga? Ano namang hihilingin mo sa kanya kapag nanalo ka?” taas-kilay niyang tanong sa akin.

“Hihingi ako ng fre