CHAPTER 56: PLAN

“Sige na, Sophie. Pumasok ka na kasi sa loob!” panay ang tulak sa akin ni Sabrina papasok sa may infirmary.

Sinuggest kasi niya na si Lance na lamang ang hingan namin ng tulong para sa plano namin, at tingin ko ay pinagsisihan ko nang sinabi ko pa sa kanya iyon.

Maaga kaming umalis ni Venom sa mansyon para na rin hindi ako makita ni Vincent. Sinusubukan niya nga rin akong tawagan kanina pero hindi ko sinagot ang alin man doon.

Galit pa rin ako sa kanya, ano.

“Sab, kinakabahan ako. Puwede bang iba na lang? Huwag na lang si Lance!”

“Wala nang iba pang makatutulong sa atin kung hindi si Dr. Jacobs!”

“Pero Sab.”

Naghihinala siyang tumingin sa akin. “Sophie, tapatin mo nga ako.”

“H-Huh?”

“Hindi ka pa ba nakaka-move on kay Dr. Jacobs?”

“Ano? Siyempre naman naka-move on na ako sa kanya, ano! Matapos nang mangyari sa amin ni Vincent, natutunan ko na rin siyang mahalin at natutunan ko na ring kalimutan ang feelings ko para kay Dr. Jacobs. Saka isa pa, may Monica na si Lance.”

“Hayun naman pala